Mukurona gouMinistili moNamibia Saara Kuugingelwa-Amadhila kahuyungire asi erwanesopo lyoukorokotji kapisi lyoruhara rumwe tupu nye pwakonakumoneka ekwatesoko kwa nkenye gumwe nsene kunahara yisike mouta wakora.
Mbudi ezi kazi huyungire nkera apa kahuyungira kuhamena erwanesopo ufuki lyopontambo zeposirongo monkurumbara zaNamibia moVenduka.
Yimo tupu hena kafatwilire momunene asi epangero lyewa lyeli ali korangeda ekuliko, nokurwanesa nzara noruhepo mosirongo.
Kuugongelwa-Amadhila simpe katwikilire ko asi kapisi ureru kurwanesa ufuki noku turapo epangero lyouhunga, ntani aso kapisi sirugana esi asi haga.
Mokukwa etulisopo lyokurwanesa ufuki eli vatulisirepo mo2016 dogoro 2019, alyo kuna kulikida asi yina vatere mokusesupika yifuki mosirongo.
Directa goruha rwerwanesa ufuki mosirongo, Paulus Noa, age kahuyungire asi erwaneso ufuki mosirongo wakona kuutura mosirugana mokunkondopeka noveta nosirugana ezi navavhura kuka kwama yipo vakasesupike hufuki mosirongo monovhura edi 2021-2025.
Yimo tupu hena karondwere vanamberewa nomaruha nagenye asi noveta dawo noyirugana eyi navavhura kukaruganesa moruwo sangesi vakona kuyi wavayika nawanawa nkenye apa pwakere kapukogona ndi asi vamona mapuko.
Mokuka rugana yirugana yetu twakona nye kukamoneka elituromo nounakondo yopo tuka gwane erwameno lyetu.
Yiyo hena katwikilireko asi moku kwama sirugana esi sagendapo nawa mokusesupika ufuki mosirongo sovhura 2016 dogoro 2019