Epangero lyaNaigeria kalitokwere kuhagekesa Twitter kuzi ruganesa mosirongo sawo morwa Twitter kazi dongwenene mbudi zomukurona gosirongo sawo ezi katjenge koTwitter.
Twitter kazi dongwenene mbudi zomukurona gosirongo somoNaigeria, Muhammadu Buhari morwa kavatukire noveta dawo mokutjanga nonkango do nyengo edi vadira kupulisira ko Twitter
Donald Trump, Mukurona gosirongo saAmerica gwanare ogu vahagekesa nare kuruganesa Twitter, Facebook na Instagram kapandadekere yirugana eyi kalirugene epangero lya Naigeria.
Age kahuyungire asi, "yirongo yimwe nayo yirugane ngwendi Naigeria omu karugene moku hagekesa Twitter. Morwa Twitter naFacebook kapi vana kupulisira vantu vahuyunge vahana utjirwe".
"Yiwo wolye nye vamone vakwawo udona nouwa. Ngano name yomo narugene apa nakere mukurona gosirongo". Yimo kahuyungire Donald Trump, mukurona gosirongo saAmerika gwanare.
Muhammadu Buhari, mwene-mwene kapi kavamu hagekesereko koTwitter morwa kava dongwenene tupu eyi katjenge morwa yiyo kayidilire kuwapa mokukwama noveta daTwitter.
Ano epangero lyaNaigeria mokulimbururako yipo kali gusire etokoro lyoku hagekesa twitter mosirongo sawo.
"Twitter mokukumbururako koyirugana yangoso, kava huyungire asi ehagekeso Twitter moNaigeria zina gumu veta zountu womuntu, morwa azo zimwe avaruganesa vantu vahana kufuta".