Mudani gombara sokusanga gomoNamibia, ogu adana mosipana sosinene moSouth Afrika, Orlando Pirate, Deon Hotto, nage gumwe govanandima moNamibia.

Mepwizumuko, apa agwana siruwo awize moNamibia, moruha sirongo Erongo modoropa zaSwakopmund, unandima simwe sirugana sendi asi kara.

Mokuhunya novanambudi vaKickOff, age kahuyungire asi:

Gaweka yimuna ngwendi nongombe, yikombo, nayimwe ngoso yokulisiga-siga.

Nongombe dendi dasiki kosivaro sokusika komurongo ntano nane (54), ntani age pwangesi kapisi kwaku rugana unandima wongesefa morwa wokuparukira tupu nekoro lyendi.

“Farama zange kwakara momawoko gekoro lyange nsene nyamwange moSouth Africa” yimo katanterere vanambudi vaKickoff.

Muholi zendi gumwe ogu avhuru kukara nage nkenye apa age kahuyungire asi:

 “Dean Hotto, muntu gumwe galinunupika ndi asi gompepo zongwa

Kapi gakara nonkedi zokuli monekesera koyi weka yendi”.