Pastore Joshua Iginla, mukurona ndi asi mutoti ngereka ezi ava tumbura asi Champion Royal Assembly moNaigeria, ka kumangedere vadinkantu ava vanahara ku kara nawo nonongereka danyamwawo mounene po moruha rouporofete.
Joshua Iginla kahuyungire asi:
“kutunda apa dina horoka nomfa domu porofete Temitope Balogun Joshua gadivikwa asi TB Joshua, sinzi sonongereka edi ngadi muhuyunga momudona tupu dina kumu tangauka momuwa, efano lyendi tupu vana kuli tura-tura kutumbo twawo tokofacebook, twitter, nayimwe ngoso”.
“Apa gakere age mwene muzuni nampili pegwaneso lyendi lyeli kwato ogu ngamu harere erago ndi asi amu huyunge momuwa”
Pastore Joshua Iginla moku hetakanesa uzuni wantani nouwanare yipo kahuyungire asi:
“uzini wantani kuna kumona nyengo asi uhungami, ano posiruwo somaudigu awo tava likida elitondoworo vahana kulikida eharo”.
“Ame kugazara noku ligazurura yinkinke eyi sili kukora komutjima. Tanidiworoka vanangereka vamwe vayukirenge morwa nahamenene koruha rwaTB Joshua siruwo sina gakere moudigu wounene apa zagwire ngereka zendi”.
“Yimo tupu hena, vaudisi wovanzi ava nakumona muna kuruganesa maudiso gaArchbishop Benson Idahosa moku nkondopeka moudiso geni, morwa apa gakere po mwene tupu mwamunyengerere mohonde, yimo tupu hena ngomu huyunga mupositoli Babalola asi mongereka zendi ngaruganesa nonkondo dasatana, morwa mwene gadogoroka, tupu muna kutantera vanaveni varuganese maudiso gawo”. Yilye gamuroga one vakiliste? Yimo ana kupura Joshua Ignla
Joshua simpe kagwedereko asi,
“kweniko one vadinkantu muna hara kuruganena Karunga moukareli wouporofete ndi woukereli wemakuruko mwahapulisira vantu wopeke vamu nunupike ndi muparuke meparu lyoutjirwe. Karunga kapi gatunda kwankenye mukareli gwaKarunga ntani hena kwato mukareli gwaKarunga navhura kuvaka Karunga. Vaudisi vamwe kwakufa komapuliro morwa vava vakereli Karunga woyimpempa ava ava tungire maukereli Karunga gawo povakwawo, mokuhuyunga vakwawo momudona awo vamoneke uhungami kovantu”. Nkenye gumwe akare momapuliro gamwene”.
“Uzuni musinke ou? Kuzugumamo masimbigeni makura tomuva kanganga nokuva tura peguru. Tomuvahepeke nokuvazugumamo mombunga zeni konyima tomu valili morwa vazi.
Ove mukereli karunga gousili, morwa nyove simpe wakara nonyengo, mfudu kovakareli karunga vakweni, kapi ono kulimona nyamoge asi kwa kuruganena Satana?”
“Kovakereli Karunga mwa kutameka, mwaha kwama yirugana yonompepo domfudu, ava vakondi vayihova vayirugana,yavavhura”. Joshua katjange kokambo kendi kofacebook.
