Musita gonongombe kakwaterere sikombo kononkondo
By TUW
Musita gonongombe moruha sirongo zaOshana, mudingonoko gwaUuvudhiya, kakwaterere sikombo kononkondo, omu kava mukondekedere age moyidigira ana kara.
Mokukwa kombudi zaNew Era, sihorokwa sina kasili tuntikire musita gumwe ogu atarere oyo yimuna.
Mugara ogo apa kamwene asi vamumono kweyi karugene yipo kapamperekedere mukwawo asi nsene nakayi tanta ngamu dipaga.
Mwenya sikombo apa kagwene mbudi zina kahetekereko kuturamo sirapota sina moOshakati yipo kava mutanterere asi aka paturure sirapota sina kosasiyona zomomudingonoko omu kayi horokerere.
Mokuzogerako kumwe nomuhona gomusita ogu kakwaterere sikombo sendi kononkondo, yipo kavalizuvhire vamufute mfeto zagogo musita zokwedi oko kumwe nokumutjida mo moyirugana yendi.
Ano gumwe govasita wokomavango gena kahuyungire asi simpagwa sina kuvhura kuhoroka morwa vasita sinzi sawo ava ava kara komavango gena kapi ava karako nawa-nawa nomapata gawo.
Age hena katumbwireko asi vahona sinzi sawo kapi ava pulisire varugani vawo vakarugane nomapata gawo mokonda asi kapi navarugana nawa.
